Rúgbrauð með geri
Efni:
1 l mjólk
2 dl sýróp
2 tesk salt
60-70 gr ger
1 kg rúgmjöl
400 gr heilhveiti
500 gr hveiti
Aðferð:
Mjólkin er velgd og sýrópið. Geri og salti er blandað saman og einum dl af vatni hrært þar út í, bíði um stund. Rúgmjöli, heilhveiti og helmingnum af hveitinu er blandað saman. Vætt í með mjólkinni og gerinu, deigið slegið, sett á borð og það sem eftir er af hveitinu, er hnoðað upp í deigið, þangað til það er hart og gljáandi. Skipt í þrjú jöfn brauð, sem sett eru í skúffu og bíði í eina klst. Bakað í 1-2 klst. við meðalhita.