Jóladagatal Brauðbrunns
Frá 1. desember getur þú fylgst með norræna jóladagatali Brauðbrunns. Á hverjum degi fram að 24. desember geturðu kíkt í „bakaraofninn“ með því að fylgjast með blogginu hér á Brauðbrunninum.
Uppskriftirnar koma frá söfnum á Norðurlöndum sem tóku þátt í verkefninu Brauð í norðri. Þetta eru jafnt nýjar sem hefðbundnar jólauppskriftir.
Jólabrauð getur verið allskonar. Allt frá fínu hveitibrauði, smákökum, kleinum eða randalínum. Í jóladagatali Brauðbrunns er að finna sænskt „julkuse“, grænlenskt skipakex, íslenskt laufabrauð og danskar smákökur.
Ef þú lumar á góðum og skemmtilegum jólabrauðsuppskriftum máttu endilega senda Brauðbrunni línu.
Góða skemmtun og gleðileg brauðjól.
Brauðbrunnur 